Yaz-yay aylarında həşərat sancması ən çox rastlanan şikayətlərdən biridir. Gənə, arı və əqrəb sancmaları həyati təhlükə yarada bilir, ağcaqanadların isə virus və xəstəlikləri yayma riski vardır.

Aztibb.az xəbər verir ki, həşərat sancmaları zamanı görülən ən ümumi simptomlar dişlənmiş bölgədə qaşınma, ağrı və şişkinlik, dərinin rənginin solması, dişlənmiş bölgədə qızartı, su və ya irin yığılması, qarın ağrısı, qusma, ürək bulanması, ishal, nəfəs almada çətinlik, sinədə sıxılma hissi, xırıltı və dilin şişməsi kimi əlamətlərdir.

Böcək sancmaları zəhərli böcəklərin iynələri vasitəsi ilə zəhəri dəriyə yeritməsi ilə baş verir. Nəticədə qızarmış və şişmiş hissə çox ağrılı olur.

Ciddi allergik xüsusiyyətləri olanlar həşəratların sıx olduğu yerlərdən uzaq durmalı, qoruyucu dərman vasitələrini yanlarında saxlamalı və sancma halı baş verərsə dərhal bu dərmanları qəbul etməlidirlər. Hətta təcili müdaxilə edilmədiyi təqdirdə bu vəziyyət ölümcül də ola bilər.

Adətən müalicə zamanı xəstəyə kortizon dərmanlar və adrenalin verilir.

Arı, əqrəb, yaxud ilan sancmalarında ilk yardım olaraq buz qoyulması məsləhətdir. Dəniz canlılarının sancması və ya dişləməsi zamanı isə əksinə yaralı bölgəyə isti məhlul tətbiq edilməsi lazımdır.

Bundan başqa, bitki mənşəli məlhəmlər də sancmalar zamanı ağrını sakıtləşdirib qaşınmanın qarşısını ala bilir.