ÜST: Pandemiyanın indiki vəziyyətində müsbət irəliləyiş var
10.06.2021 13:40

Dünya Səhiyyə Təşkilatının (ÜST) Baş direktoru Tedros Adhanom Qebreyesusun pandemiyanın indiki vəziyyətində müsbət irəliləyişlərin olduğunu, xəstəlik və ölüm sayının son həftələrdə azaldığını açıqlayıb.

 

Aztibb.az xəbər verir ki, təşkilatın Cenevrədəki qərargahında təşkil edilən mətbuat konfransında koronavirus peyvəndlərinin dünya miqyasında ədalətsiz paylanması məsələsinə də diqqət çəkilib.

 

Baş direktor pandemiyanın bir çox ölkədə təhlükəli bir vəziyyətə gəldiyini, əhalisinin böyük bir qismi peyvənd olunan ölkələrdə isə məhdudiyyətlərin qaldırılması istiqamətində addımlar atıldığını söyləyib.

 

Təşkilat  rəsmisi peyvəndlərin qeyri-bərabər paylanmasının virusun yayılma riskini artırdığını da vurğulayıb.

 

“Müsbət tendensiyaya baxmayaraq, hələ də dünyada qarışıq bir mənzərə görürük. Peyvəndləmə tətbiqində irəliləyişlərlə yanaşı, keçən həftə ÜST-ə bildirilən məlumata görə Afrika, Amerika və Sakit Okeanın qərb bölgələrində ölüm sayının artdığı bildirilib. Hədəfə çatmaq üçün peyvəndləmə daha geniş miqyasda həyata keçirilməlidir”, ­ – deyə təşkilat  rəsmisi qeyd edib.