ÜST səhiyyə sistemi zəif və əhalisinin əksəriyyəti yoxsul olan Afrikanın təhlükədə olduğunu bildirib. Təşkilat Afrikanın yeni pandemiya mərkəzi ola biləcəyi xəbərdarlığını əvvələr də edib.

Aztibb.az xəbər veir ki, BMT rəsmilərinin bəyanatına əsasən pandemiya səbəbindən Afrikada ən az 300.000 insan həyatını itirəcək.

Həyat səviyyəsinin onsuz da aşağı olduğu Afrikada pandemiyaya görə 30 milyon insanın yoxsulluğa düçar olacağı proqnozlaşdırılır.

Bu həftənin göstəricilərinə görə yoluxma sayı 4 milyon 850 mini keçib.

Qitədə ən çox xəstəlik Cənubi Afrika Respublikası, Mərakeş, Tunis, Efiopiya, Misir və Liviyada təsbit edilib. Virusdan ən çox ölüm Cənubi Afrika Respublikası, Misir və Tunisdə qeydə alınıb.

1,3 milyard əhalisi olan Afrikada bu günə qədər virusa qarşı təxminən 30,8 milyon doza peyvənd edilib.

ÜST qitə əhalisinin üçdə birindən çoxunun təmiz su çatışmazlığı problemi yaşadığını, antisanitar vəziyyət səbəbindən yoluxmanın şəhərlərdən bölgələrə sürətlə yayıldığını bildirir. Həmçinin, qitənin böyük şəhərlərində əhalinin 60% - nin sıxlıqlıqla gecəqondularda yaşaması xəstəliyin yoluxmasını artırır.

Qeyd edək ki, ÜST həftəlik epidemioloji bülletenində SARS-CoV-2 virusunun narahatlıq doğuran dörd variantından biri kimi “Cənubi Afrika ştammı”nın adını açıqlayıb.