Alimlərin Delta variantına qarşı diqqətli olmağa qlobal çağırış etdiyi bir vaxtda Latın Amerikasında ortaya çıxan Lambda variantı daha çox narahatlıq yaradıb.

Aztibb.az xəbər verir ki, qısa müddətdə çox sayda yoluxmaya səbəb olan Lambda variantına artıq 29 ölkədə rast gəlinib.

Ümumdünya Səhiyyə Təşkilatı Lambda variantını “müşahidə altında olanlar” kateqoriyasına daxil edib.

“Lambda variantının aqressiv olduğuna dair hələ ki bir sübut yoxdur. Yüksək infeksion qabiliyyəti ehtimalı olmasına baxmayaraq, Qamma və Delta variantları ilə müqayisə etmək üçün kifayət qədər etibarlı tədqiqatlar aparılmayıb”, – deyə ÜST-ün mütəxəssisi açıqlamasında bildirib.

Lambda ilk dəfə ötən ilin avqust ayında Peruda qeydə alınıb.