Ümumdünya Səhiyyə Təşkilatı (ÜST) sərhədlərini səyahətçilərə açan ölkələri təşkilatın təcili istifadəyə icazə verdiyi bütün COVID-19 peyvəndlərini tanımağa çağırdı.
Aztibb.az xəbər verir ki, bu açıqlama Qərb ölkələrini BMT-nin səhiyyə təşkilatı tərəfindən lisenziyalı, lakin əksər Avropa və Şimali Amerika ölkələrində istifadə olunmayan iki Çin peyvəndi olan “SinoVac” və “SinoPharm”ı qəbul etməyə məcbur edə bilər.
Bununla ÜST “Pfizer-BioNTech”, “Moderna”, “AstraZeneca” və “Johnson & Johnson” tərəfindən istehsal olunan peyvəndlərə də yaşıl işıq yandırdı.
Avropa Birliyinin əlaqədar qururmu hazırda Çinin “Sinovac” peyvəndinin lisenziyalaşdırılmasını müzakirə edir, lakin qərarın nə vaxt veriləcəyi məlum deyil.
Qurum “AstraZeneca”nın Hindistan istehsalı olan peyvəndi də tanımır. Bu siyasət də inkişaf etməkdə olan ölkələrin vətəndaşlarının səyahətini məhdudlaşdırmaq kimi qiymətləndirirlir.
ÜST belə qərarların təhlükəsiz və təsirli olduğu sübut edilmiş həyat qurtaran peyvəndlərə olan inamı zəiflətdiyini bildirib.
İlin əvvəli isə Çinin Xəstəliklərə Nəzarət və Profilaktika Mərkəzi yerli peyvəndlərin effektivliyinin aşağı olduğunu etiraf edib. İki Çin peyvəndindən milyonlarla doza istifadə edən bir çox ölkədə peyvəndlərdən sonra COVID-19-a yoluxmada artım müşahidə olunub.