Beynəlxalq tədqiqatın nəticələrinə görə, gündəlik yüksək miqdarda kofein istifadəsi qlaukoma riskini yüksək göz təzyiqinə genetik meyilli insanlar üçün üç dəfə daha çox artıra bilər.

Aztibb.az medikforum.ru-ya istinadla xəbər verir ki, İkana Tibbi Məktəbi tərəfindən aparılan tədqiqat qlaukoma zamanı dietik-genetik qarşılıqlı təsiri göstərən dünyada ilk tədqiqatdır.

"Ophthalmology" jurnalının iyun buraxılışında dərc edilmiş tədqiqatın nəticələri ailə anamnezində qlaukoma olan pasiyentlərin kofeinin istehlakını azaltmasının faydalı olduğunu sübut edib. 

Tədqiqatçılar qrupu Böyük Britaniyada səhiyyənin müxtəlif müəssisələri və hökumət müəssisələri tərəfindən dəstəklənən iri həcmli əhali biotibb məlumat bazası olan "Biobank"dan istifadə edib. Onlar 120 000-dən çox iştirakçının 2006-2010-cu illər arasında olan dövrdəki qeydlərini analiz ediblər.

Qlaukoma genetik riskinin ən yüksək balı ilə kateqoriyaya daxil olmuş və gündə 321 milliqramdan çox kofein (təxminən üç fincan qəhvə) istehlak edən iştirakçılarda qlaukomanın əmələ gəlmə tezliyi kofein qəbul etməyən və ya minimal miqdarda qəbul edən, genetik riskin ən aşağı göstəricilərinə malik insanlarla müqayisədə 3,9 dəfə yüksəkdir.