TƏBİB-in Elmi-tədqiqat və təhsil departamentinin təşkilatçılığı və tabeli xəstəxanalarda çalışan 100-dən çox tibb işçisinin iştirakı ilə Ümumdünya Sağlam Həzm Gününə həsr edilmiş vebinar keçirilib.

 

Tədbirdə İnnovasiya və inkişaf departamentinin keyfiyyətə nəzarət şöbəsinin müdiri Nərmin Əfəndiyeva, M.A.Topçubaşov adına Elmi Cərrahiyə Mərkəzinin direktoru Rauf Ağayev, mərkəzin həkimi t.ü.f.d. Murad İbrahimov, “Bioloji təbabət və Antihomotoksik terapiya cəmiyyəti” İctimai Birliyinin rəhbəri, professor Fikriyyə İbrahimli, “Qidalanma və Sağlamlıq Nutrisioloqlar” İctimai Birliyinin üzvü, t.ü.f.d. İlhamə Ramazanova, Beynəlxalq SCOPE sertifikasiyalı piylənmə müalicəsi üzrə mütəxəssisi və “ANDOP” İctimai Birliyinin təlimçisi Emil Hidayətli tərəfindən qastroenteroloji problemlər, xəstəliklərin profilaktikası və müalicəsi, düzgün qidalanmamanın yarada biləcəyi fəsadlar haqqında məlumatlar verilib.