Aztibb.az xəbər verir ki, tədbirdə YAP Yasamal rayon təşkilatının sədri Bəxtiyar Nəbiyev, Akademik M.Ə.Mirqasımov adına Respublika Klinik Xəstəxanasının direktoru Elviz Qasımov, YAP Yasamal rayon təşkilatının əməkdaşları, ərazi partiya təşkilatının üzvləri və xəstəxananın həkim kollektivi iştirak edib.

 

Müşavirə Ümummilli Lider Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Ardınca Azərbaycan Respublikasının Dövlət Himni səsləndirilib.

 

Çıxış edən xəstəxananın direktoru Elviz Qasımov ölkəmizin sosial-iqtisadi inkişafında və səhiyyə sisteminin təkmilləşdirilməsində Yeni Azərbaycan Partiyasının rolunu qeyd edib. O, tibb müəssisələrində dövlətçilik prinsiplərinin təbliği, kollektivin ictimai-siyasi fəallığı və əhaliyə göstərilən tibbi xidmətlərin keyfiyyətinin artırılması istiqamətində görülən işlərdən danışıb.

 

YAP Yasamal rayon təşkilatının sədri Bəxtiyar Nəbiyev Prezident İlham Əliyevin YAP-ın VIII Qurultayındakı nitqindən irəli gələn əsas prioritetlər və qarşıda duran vəzifələr barədə məlumat verib. O, partiyanın ölkənin siyasi sabitliyinin, sosial-iqtisadi inkişafının və dövlət müstəqilliyinin möhkəmlənməsində mühüm rol oynadığını vurğulayıb.

 

Tədbirdə çıxış edən xəstəxananın cərrahi xidmətlər üzrə direktor müavini Sahib Hüseynov, terapevtik xidmətlər üzrə direktor müavini Mina Adıgözəlova və şöbə müdiri, ərazi partiya təşkilatının sədr müavini Naidə İbadova təşkilatın fəaliyyəti, kollektivdə aparılan maarifləndirmə işləri barədə fikirlərini bölüşüblər.

 

Müşavirənin sonunda Yeni Azərbaycan Partiyasının Himni səsləndirilib və xatirə şəkli çəkdirilib.