Parasetamol ağrıların müalicəsi zamanı istifadə olunan ağrıkəsicidir. o, həmçinin yüksək temperaturun aşağı salınması üçün də tətbiq olunur. Xroniki ağrıya meyilli insanlar təbii ki, ilk növbədə paratsetamolun qəbulu haqqında düşünürlər.

Aztibb.az medikforum.ru-ya istinadla xəbər verir ki, Böyük Britaniyalı həkim-terapevt Filipp Key bildirib ki, ağrıkəsicilər vəziyyəti daha da pisləşdirə bilər.

"Parasetamolun həddən artıq istifadəsi zamanı baş ağrısının səbəbi parasetamolun özüdür", - deyə Filipp Key xəbərdarlıq edib.

"British Medical Journal"da dərc edilmiş tədqiqat işinə əsasən, dərmanların həddən artıq istifadəsinə bağlı baş ağrısı geniş yayılmış xəstəlikdir.

"Simptomlar adətən dərmanın istifadəsinin dayandırılmasından sonra pisləşir. Bu zaman sağalmaq üçün bir neçə həftə lazım ola bilər, bəzən isə ağrılar təkrarən başlayır", -  deyə məqalədə bildirilir.

Bu faktları nəzərə alaraq, "uzun bir vaxt ərzində müşayiət edən baş ağrıları olan pasiyentlərə parasetamolun təyinindən çəkinmək lazımdır".

Qeyd edək ki, bu sindrom bir qayda olaraq, yalnız miqreni olan insanlarda və ya ailə anamnezində miqren olan baş ağrılarına meyilli insanlarda inkişaf edir.