Tədbirin açılış hissəsində, eyni zamanda Türkiyənin Sağlamlıq Elmləri Universitetinin professoru Dr. Merih Çetinkaya da çıxış edib. Azərbaycanda son illərdə uşaq sağlamlığının qorunması istiqamətində həyata keçirilmiş tədbirləri yüksək qiymətləndirən Dr. Merih Çetinkaya səhiyyə sahəsindəki əməkdaşlığın hər iki ölkənin tibb işçiləri üçün xüsusi əhəmiyyətə malik olduğunu vurğulayıb.

 

Açılış nitqlərindən sonra konfrans Türkiyədən olan mütəxəssislərlə yanaşı, Azərbaycanın müxtəlif regionlarından olan həkimlərin də fəal iştirak etdiyi panel müzakirələri və sual-cavab sessiyaları ilə davam edib.

 

Belə ki, konfrans günün birinci yarısı Mərkəzi Gömrük Hospitalının Cərrahiyyə və Orqan Transplantasiyası şöbəsinin rəisi Dr. Mircəlal Kazımi və Türkiyənin Etlik Zübeyde Xanım Qadın Xəstəlikləri Təhsil və Tədqiqat Xəstəxanasının professoru Dr. Ahmet Yağmur Başın rəhbərliyi altında hepatoloji, Mərkəzi Gömrük Hospitalının həkimi Dr. Təranə Göyüşova və Başakşehir Çam və Sakura Xəstəxanasının professoru Dr. Merih Çetinkayanın rəhbərliyi altında ümumi pediatriya panelləri ilə davam edib.

 

Günün ikinci yarısında isə Mərkəzi Gömrük Hospitalının həkimi Dr. Aynur Səfiyeva və Ankara Universitetinin professoru Dr. Zarife Kuloğlunun rəhbərliyi altında qastroenteroloji paneli ilə yekunlaşıb.

 

Qeyd edək ki, konfrans Azərbaycan Respublikası Səhiyyə Nazirliyinin "Davamlı Tibbi Təhsil üzrə elm və tədris tədbirlərinin akkreditasiya Qaydaları" əsasında akkreditasiya olunaraq 21 DTT balı qazanmışdır.