Kaliforniya Universitetinin mütəxəssisləri qan testi etmədən diabet xəstəliyinə diaqnoz qoymağın yolunu tapıblar.

Azribb.az xəbər verir ki, bu barədə Meddaily.ru məlumat yayıb.

Bildirilib ki,  diabet xəstəliyinin diaqnozunu qoymaq üçün smartfon kamerasından istifadə edilir. Kamera diabet üçün xarakterik olan damar zədələrini aşkar edə bilir.

Belə ki, alimlər hər bir ürək döyüntüsünə cavab olaraq barmaqların ucunun rəng dəyişməsini analiz etmək üçün telefon fənərindən və kamerasından istifadə ediblər. Bu analiz metodu fotopletizmografiya (PPG) kimi tanınır.

"Azumio Instant Heart Rate" mobil tətbiqindən istifadə edən 53,870 nəfərdən təxminən 3 milyon PPG qeydləri toplanıb. Onların məlumatları əsasında mexanizm qurulub.

Yaradılmış alqoritm şəkərli diabet xəstəliyini 81% düzgün diaqnoz edib. Sağlam insanları aşkar etməyin dəqiqliyi 92-97% olub.

Bildirilib ki, xəstə haqqında digər məlumatları - cinsini, yaşını, bədən kütləsi indeksini və s. də nəzərə alınsa, dəqiqlik arta bilər. Yeni diaqnostik üsul sadə və qeyri-invazivdir.

Sistem yaradıcıları bunu geniş bir seçim metodu olaraq həyata keçirmək istəyir.