Süni zəka və yeni texnologiyalar gündəlik həyatımızda getdikcə böyük rol oynayır.

Aztibb.az xəbər verir ki, İngiltərənin “CMR Surgical” tibbi texnologiya şirkəti yeni robot cərrahiyyə texnologiyasını təqdim edib.

“Bu texnologiya ümumi cərrahiyyə və ginekoloji prosedurlarda geniş şəkildə istifadə olunur. Kolorektal və döş qəfəsi müayinə prosedurlarını da bu texnologiya vastəsiylə reallaşdırmaq mümkündür. Hazırladığımız robot xəstələr və cərrah arasında rəqəmsal bir interfeys yaradır, operativ məlumat mübadiləsini təmin edir”, – deyə məhsulu təqdim edən şirkət nümayəndəsi Con Aker bildirib.

Robotlardan tibbi cihazlara qədər bu texnoloji layihənin məqsədi tibb sənayesinə yeni töhfə verməkdir. Sərgilənən bu texnologiya həm də xəstələrə xidməti asanlaşdırır.

Rahat daşına bilinən bu cihaz səslə təlimatlandırılır. Xəstə üçün lazımi xidmətlə bağlı tapşırıqlar cihaza söylənilir. Cihaz da kritik anlarda xəstəyə vaxtında yardım edə bilir.

Bildiyimiz kimi, infarkt xəstə üçün çox təhlükəli bir vəziyyət yarada bilər. Cihaz infakt baş vermədən tibb bacısına qısa müddətdə müvafiq məlumatlanma imkanı verir, xəstənin böhrandan çıxmasına şərait yaradır.