İctimai fikrə təsir etmək gücü olan sosial şəbəkə fəallarına Pfizer/BioNTech peyvəndini tənqid etmək üçün müraciətlər olunub.

Aztibb.az xəbər verir ki, sosial şəbəkə fəalları verdikləri məlumatda naməlum qurum tərəfindən onlara sponsorun adını açıqlamamaq şərti ilə Pfizer peyvəndini tənqid etmək müqabilində böyük məbləğ təklif olunduğunu bildiriblər.

"Youtube"da 400 min, istaqramda 84 min izləyicisi olan Sami Ulattido, eləcə də "Youtube" kanalında 1.17 milyon izləyicisi olan Leo Qrasse naməlum qurumun onlarla əlaqə yaratdığını və Pfizer peyvəndi əleyhinə tərəfdaşlıq təklif etdiklərini deyiblər.

"Youtube" kanalında yerləşdiriləcək video müqabilində mükafatlar vəd edilib.

“Qəribədir. Pfizer peyvəndini tənqid etməklə bağlı tərəfdaşlıq təklifi aldım. Böyük büdcə təklif edən müştəri adının və sponsorluğun gizlin qalmasını istəyir. Videoları görəndə, bunun xüsusi əməliyyat olduğu görünür”,- deyə Leo Qrasse hesabında paylaşıb.