Çexiya səhiyyə nazirinin müavini ATU-nun Tədris Cərrahiyyə Klinikasında olub
26.05.2021 10:32
Mayın 24-də Çex Respublikası səhiyyə nazirinin müavini Radek Policarın rəhbərlik etdiyi nümayəndə heyəti ATU-nun qonağı olub. Aztibb.az xəbər verir ki, qonaqlar öncə universitetin Tədris Cərrahiyyə Klinikasına baş çəkiblər.
Nümayəndə heyətinin səfərindən məmnun olduqlarını deyən klinikanın direktoru, professor Surxay Hadıyev tibbi personalın fəaliyyət istiqamətləri haqqında ətraflı məlumat verib. Bildirib ki, sovetlər dönəmində kafedralarımız respublikanın müxtəlif xəstəxanalarında yerləşirdi: "Müstəqillik dövründə isə yeni xəstəxanalar yaradıldı. Universitetimizdə də ümummilli lider Heydər Əliyevin uzaqgörənliyi və qayğısı nəticəsində həm tədris, həm də müalicə işi aparan klinikaların bünövrəsi qoyuldu və bu iş ölkə başçısı İlham Əliyev tərəfindən uğurla davam etdirildi. Qonağı olduğunuz bu klinika da ölkə başçısının sərəncamı ilə inşa olunan 4 universitet klinikasından biridir. Cərrahi klinikanın yaradılmasında əsas məqsəd ilk növbədə cərrahi yönümlü bütün kafedraları bir yerə toplamaq və bununla da tədrisin keyfiyyətini artırmaqdan ibarət idisə, digər məqsəd universitetin və respublikanın ən yaxşı həkim, müəllim-professor heyətini özündə birləşdirən müasir müalicə müəssisəsində əhaliyə keyfiyyətli tibbi yardım göstərmək idi".
Çexiya nümayəndə heyətinin rəhbəri, səhiyyə nazirinin müavini Radek Policar çıxış edərək qeyd edib ki, həm də tədris mərkəzi kimi fəaliyyət göstərən, Azərbaycanda ilk sıralarda olan bir klinikada olmaqdan şərəf duyurlar. O, nümayəndə heyətinin tərkibinə səhiyyə sektorunda çalışan şəxslərlə yanaşı, Çexiyada fəaliyyət göstərən müxtəlif şirkətlərin əməkdaşlarının da daxil edildiyini diqqətə çatdırıb.
Sonra ayrı-ayrı şirkətlərin nümayəndələri çıxış ediblər. Tibbi avadanlıqlar istehsalının Çexiyada ən öndə gedən sahələrdən biri olduğu vurğulanıb. İki günlük biznes-forum çərçivəsində tibbi məhsullarını təqdim etməyə şərait yaratdığı üçün Çexiyanın Azərbaycandakı səfirliyinə minnətdarlıqlarını ifadə edən şirkət nümayəndələri reabilitasiya dövrünü keçirən qaraciyər və şəkərli diabet xəstələrinə lazım olan aparatların istehsalı, eləcə də satışı ilə bağlı görülən işlərdən danışıblar. Çıxışlar zamanı o da məlum olub ki, nümayəndə heyətində təmsil olunan şirkətlərin bəziləri 10 ildən artıqdır ki, Azərbaycanda fəaliyyət göstərir.
Çexiyada dərman istehsalı ilə məşğul olan şirkətin nümayəndəsi ölkələrindəki apteklərin 96 faizində dərman satışı həyata keçirdiklərini, xəstəxanaları nəinki sistemdə mövcud olan dərmanlarla, hətta ərzaq, qida əlavələri ilə təmin ediklərini də deyib.
Görüş zamanı pasiyentlə tibb bacısı arasında konfiqurasiyanın təşkilindən, müasir tələblərə cavab verən tibbi yataqların satışından, təklif edilən bütün tibbi avadanlıqların təchizatı, servisi və sığortası məsələlərindən də söhbət açılıb.
Sonra nümayəndə heyəti klinikanın şöbələri, laboratoriyaları ilə əyani tanış olub və qarşılıqlı fikir mübadiləsi aparılıb.
Görüşdə, həmçinin Çex Respublikasının Azərbaycandakı fövləladə və səlahiyyətli səfiri Milan Ekert, səfirliyin missiya rəhbərinin müavini Daniel Putik, Çexiya ticarət qurumunun Bakı ofisinin rəhbəri Pavel Zelenka, ATU-nun Ağız və üz-çənə cərrahiyyəsi kafedrasının müdiri, professor Çingiz Rəhimov, Beynəlxalq əlaqələr şöbəsinin müdir müavini Nigar Ələkbərova, klinikanın elm və təhsil üzrə direktor müavini, professor Davud Pənahov, Kliniki və biokimyəvi laboratoriyanın müdiri Yavər Hacısoy, Klinikanın Marketinq şöbəsinin müdiri Mehriban Əliyeva, Tədris treninq mərkəzinin müdiri Elmar Şərifov, I mamalıq-ginekologiya kafedrasının əməkdaşı, klinikanın Beynəlxalq əlaqələr üzrə koordinatoru Aynur Rzayeva iştirak ediblər.
Bu bölməyə aid digər xəbərlər
Biologiya, aqrar və tibb elmləri üzrə Problem Şurasının iclasında 14 dissertasiya işinin müzakirəsi aparılıb
03.05.2024 | 10:13
Səhiyyə Nazirliyində Asiya İnkişaf Bankının Departament direktoru ilə görüş olub
02.05.2024 | 15:28
Elmi seminar: “Müasir şəraitdə yoluxucu xəstəliklərə epidemioloji nəzarətin təşkili və təkmilləşdirilməsi”
01.05.2024 | 12:52
İctimai səhiyyə fakültəsi Tələbə Elmi Cəmiyyətinin konfransı “Elmin gücü ilə yaşıl gələcəyə!” şüarı altında baş tutub
30.04.2024 | 10:10
Beynəlxalq elmi-praktik konfrans: “Oftalmologiyanın müasir aspektləri”
29.04.2024 | 11:06
Fizioterapevt və reablitoloqların ilk konfransı təşkil olunub
28.04.2024 | 15:21
Sumqayıtda elmi konfrans: "Oftalmologiyanın mirvarisi"
27.04.2024 | 15:05
Elmi konfrans: “Yaşıl dünyamız gözlərə nur verən elmin işığında”
26.04.2024 | 13:29
Əczaçılıq fakültəsi Tələbə Elmi Cəmiyyətinin konfransı keçirilib
26.04.2024 | 10:18
Bakıda XX Beynəlxalq Avrasiya Cərrahlar və Qastroenteroloqlar Konqresi keçirilir
26.04.2024 | 09:15
ÇOX OXUNANLAR
Diyetoloq arıqlamaq üçün daha tez-tez gülməyi və əsnəməyi məsləhət görüb
29.04.2024 | 17:25
Suyun düzgün içilməsi ilə bağlı keçmişin məsləhətləri
29.04.2024 | 09:15
Sümük bulyonu arıqlamağa kömək edir
29.04.2024 | 08:26
TƏBİB Bakı Baş Səhiyyə Mərkəzinin tabeliyində olan tibb müəssisələri üzrə vakant yerlər elan edir
25.04.2024 | 10:32
Bakı Baş Səhiyyə Mərkəzinin tabeliyindəki tibb müəssisələrinə işçilər axtarılır
26.04.2024 | 10:59
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11
Dəmir çatışmazlığı ilə bağlı yaranan anemiya xəstəliyinin təbii yollarla müalicəsi
25.04.2024 | 09:51
Aynurə Əliyeva - Suraxanı Tibb Mərkəzinin psixoloqu
28.04.2024 | 17:01
Xankəndi şəhərindəki tibb müəssisəsində ilk körpə dünyaya gəlib
23.04.2024 | 17:28
Bundan sonra işə qəbul və sürücülük vəsiqəsi əldə etmək üçün tibbi arayışlar elektron olacaq
26.04.2024 | 11:59
ATU-da Ulu Öndərə həsr olunan konfrans keçirilib
24.04.2024 | 12:02
Səhiyyə Nazirliyi akademik Zərifə Əliyevanın 101 illiyi münasibətilə fleşmob təşkil edib
27.04.2024 | 14:38
8 yaşlı uşaq üzərində icbari tibbi sığorta ilə qaraciyər transplantasiyası əməliyyatı həyata keçirilib
27.04.2024 | 10:35
Agentlik və TƏBİB ilkin səhiyyə xidmətinin təkmilləşdirilməsi ilə bağlı yeni layihəyə start verib
24.04.2024 | 10:31
Şəkərli diabet xəstəliyinin əlamətləri nələrdir?
29.04.2024 | 10:19