Milli Məclisin Səhiyyə komitəsinin sədr müavini, ürək-damar cərrahı, t.e.d. Rəşad Mahmudov mayın 22-də  ümummilli lider Heydər Əliyevin anadan olmasının 98-ci ildönümünə həsr olunmuş “Bakı Ürək Günləri” VII Beynəlxalq Konqresində iştirak edib.

 

Onlayn formatda keçirilən tədbirin əsas məqsədi Azərbaycanda kardiologiyanın və ürək-damar cərrahiyyəsinin inkişafına töhfə vermək, əcnəbi mütəxəssislərlə birgə bu sahədəki son yeniliklərə dair fikir mübadiləsi aparmaq olub.

 

20-ə yaxın ölkədən kardioloq və kardiocərrahın mühazirəçi kimi qatıldığı konqresdə ürək-damar xəstəlikləri və onların müalicəsindəki ən aktual məsələlər, eləcə də COVID-19 pandemiyasının ürək xəstəliklərinə təsiri və dünyanın aparıcı ölkələrində müalicəsinin təşkili məsələləri müzakirə olunub.