Avropa İttifaqının maliyyə dəstəyi ilə Ümumdünya Səhiyyə Təşkilatının (ÜST) Azərbaycan nümayəndəliyi tərəfindən həyata keçirilən Sağlamlıq üçün Həmrəylik Təşəbbüsü layihəsi çərçivəsində “COVID-19 xəstələrinin klinik idarəolunması” seriyasından “COVID-19 və qrip” mövzusunda 4-cü vebinar keçirilib.

 

Aztibb.az-ın xəbərinə görə, Bakı şəhəri və müxtəlif rayonlardan olan 200-ə yaxın tibb işçisinin qatıldığı onlayn tədbirdə TƏBİB-in Davamlı tibbi təhsil və tibbi təlimlər şöbəsinin müdiri, t.e.d. Emil İskəndərov və ÜST- ün mütəxəssisi Tural Qulu çıxış edərək vebinarın mövzusu və aktuallığı haqqında məlumat veriblər.

 

Daha sonra Elmi-Tədqiqat Ağciyər Xəstəlikləri İnstitutunun direktoru, professor Həqiqət Qədirova, institutun aparıcı pulmonoloqları - t.ü.f.d. Gülzar Əliyeva, t.ü.f.d. Vasif Abdullayev, Sevda Mustafayeva, ÜST-ün Səhiyyədə Fövqəladə Hallar Proqramının yoluxucu xəstəliklər üzrə mütəxəssisi Dr. Oqtay Gözəlov və hematoloq, professor Azad Hacıyev mövzu ətrafında çıxış edib, iştirakçıları maraqlandıran sualları cavablandırıblar.