“Huawei” şirkəti dünyada ilk dəfə arterial təzyiqin ölçülməsi funksiyasına malik “ağıllı” saat təqdim etmək niyyətindədir. Saat haqqında Çinin “Weibo” sosial şəbəkəsində məlumat yayılıb.

ria.ru saytı xəbər verir ki, böyük düzbucaqlı ekrana malik olan “ağıllı” saatın korpusuna iki fiziki klaviş quraşdırılıb.

“Huawei” şirkətinin mobil biznes üzrə prezidenti Hua Heqan bu məlumatları təsdiq edib və şirkətin texnoloji irəliləyiş əldə etdiyini nəzərə çatdırıb. Top-menecer qeyd edib ki, 2021-ci ilin sonunadək təqdim ediləcək “ağıllı” saat artıq tibbi cihaz kimi qeydiyyatdan keçirilib.