Rusiya Birbaşa İnvestisiyalar Fondu ölkədə koronavirusa qarşı mübarizə üçün nəzərdə tutulmuş dördüncü peyvəndin qeydə alındığını açıqlayıb.
Aztibb.az xəbər verir ki, fondun açıqlamasında “Sputnik Light”ın tək bir dozada istifadə ediləcəyi bildirilib.
Rusiyanın Qamaleya Tədqiqat İnstitutu tərəfindən hazırlanan peyvəndin səmərəliliyinin yüzdə 79,4 faiz olduğu vurğulanıb. Eyni zamanda, peyvəndin antikorları olan insanları da qoruma faizinin yüksək olduğu iddia edilib.
Qamaleya Tədqiqat İnstitutu tərəfindən hazırlanan ilk rus COVID-19 peyvəndi olan “Sputnik V” 2020-ci ilin avqustunda, Vektor Tədqiqat Mərkəzi tərəfindən hazırlanan “EpiVakKorona” peyvəndi 2020-ci ilin oktyabrında və Çumakov Mərkəzi tərəfindən hazırlanan “KoviVak” peyvəndi isə bu il fevralın 20-də qeydə alınıb.
