TƏBİB-in təşkilatçılığı və tabeli xəstəxanalarda çalışan 200-ə yaxın tibb işçisinin iştirakı ilə 5 may - Beynəlxalq Həkim-Mama Gününə həsr edilmiş vebinar keçirilib.

 

Aztibb.az xəbər verir ki, tədbirdə çıxış edən TƏBİB-in İdarə Heyətinin sədri Ramin Bayramlı sağlam ailənin təməlində ana və uşaq sağlamlığının durduğunu bildirib. O, uşağın dünyaya gəlməsi ilə yanaşı, ana və körpənin doğuşdan sonrakı sağlamlığının da həkim-mamaların təcrübə və peşəkarlığından asılı olduğunu söyləyib. R.Bayramlı dünyaya uşaq gətirən hər bir qadın üçün həkim-mamaların tibb işçisi, eləcə də psixoloq və dost rolunu oynadıqlarını vurğulayıb.

 

Daha sonra Tibbi təhsil və tibbi təlimlər şöbəsinin müdiri, t.ü.f.d Emil İskəndərov, Elmi-Tədqiqat Mamalıq və Ginekologiya İnstitutunun direktoru, professor Cəmilə Qurbanova, institutun aparıcı ginekoloqları - t.ü.f.d, dosent Aynurə İsmayılova, t.ü.f.d., dosent Xəyalə Təhmazi, t.ü.f.d., dosent Fatma Hacıyeva, t.ü.f.d.Kəmalə Heydərova və Yeganə Axundova “COVID-19 pandemiyası zamanı hamiləliklə bağlı kliniki tövsiyələr”, “Virusa yoluxmuş hamilə qadınların doğuş və zahılıq dövrü” mövzuları ətrafında çıxış ediblər.

 

Sonda Elmi-Tədqiqat Mamalıq və Ginekologiya İnstitutunun mütəxəssisləri tərəfindən vebinar iştirakçılarını maraqlandıran suallar cavablandırılıb.