"Kliniki psixologiya" ixtisası üzrə magistrantlarla görüş keçirilib - ATU
30.04.2021 14:58
Azərbaycan Tibb Universitetinin (ATU) İctimai səhiyyə fakültəsi nəzdindəki "Kliniki psixologiya" ixtisası üzrə təhsil alan 1-ci kurs magistrantları ilə "Rezidentura və magistratura" şöbəsinin müdir müavini Əfsanə Məmmədova arasında görüş keçirilib.
 
Aztibb.az xəbər verir ki, onlayn rejimdə baş tutan görüş zamanı Ə.Məmmədova magistrantların təhsili, tədrisdəki problemləri ilə maraqlanıb.
 
Tədrisin keyfiyyəti ilə bağlı fikirlərini bölüşən magistrantlar tədris proqramının beynəlxalq standartlara uyğunlaşması üçün bəzi təkliflər irəli sürüblər. Belə ki, proqrama "Neyropsixologiya" fənninin də əlavə olunması təklif olunub. Qeyd edilib ki, gələcəkdə xarici ölkə universitetlərində doktorantura pilləsində təhsillərini davam etdirmək istəyən magistrlərin diplomuna əlavədə bu fənnin də adının olması vacib məsələlərdəndir.
 
Görüşdə, həmçinin cari semestr imtahanlarının formatı və qiymətləndirilmə metodları barədə müzakirələr aparılıb.