“Oftalmologiyanın aktual məsələləri” mövzusunda elmi konfrans keçirilib  
30.04.2021 09:31
Azərbaycan Respublikası Səhiyyə Nazirliyi, Akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin təşəbbüsü ilə akademik Zərifə Əliyevanın anadan olmasının 98 illiyinə həsr edilmiş “Oftalmologiyanın aktual məsələləri” adlı elmi konfrans keçirilib.
 
Aztibb.az-ın məlumata görə, konfransda Milli Oftalmologiya Mərkəzinin əməkdaşları, eləcə də ölkəmizin digər müəssisələrində çalışan alimlər oftalmologiyada baş verən yeniliklər və bu sahədəki aktual məsələlər barədə məruzələrlə çıxış ediblər.
 
Toplantıda Türkiyə Cümhuriyyəti Oftalmologiya Dərnəyinin (TCOD) baş direktoru Sunay Duman, TCOD-un icraçı direktoru, prof. Öner Gelişken, qurumun baş katibi, prof. Süleyman Kaynak və digər mütəxəssislər iştirak ediblər.
 
Konfransda “Oftalmologiyada süni intellekt lazımdırmı?", “Azərbaycanda müasir neft-kimya sənayəsinin işçilərində gözdaxili təzyiq və oftalmopatologiyanın xüsusiyyətləri”, “Nistaqmin bəzi xüsusiyyətlərinə dair”, “Hərbi yaralanmalar nəticəsində orbital boşluğun rekonstruksiyası” (kliniki hal)”, “Katarakta və ptoz zamanı cərrahi taktika seçimi” və s. mövzularda məruzələr dinlənilib.