АМЕА-nın akademik Abdulla Qarayev adına Fiziologiya İnstitutunun onlayn iclası keçirilib.

Əvvəlcə institutun direktoru, professor Ulduz Həşimova tədbirin gündəliyi barədə iştirakçılara məlumat verib.

Sonra müəssisənin Hüceyrənin morfofunksional plastikliyi laboratoriyasının rəhbəri, professor Fəxrəddin Əskərovun laboratoriyanın perspektiv elmi-tədqiqat işlərinin inkişaf istiqamətlərinə dair çıxışı dinlənilib.

Uzunömürlülüyün fiziologiyası laboratoriyasının əməkdaşı, biologiya üzrə fəlsəfə doktoru Natavan Kərəmova isə “Pandemik stresin ahıl, qoca və uzunömürlülərin psixofizioloji göstəricilərinə təsiri” mövzusunda çıxış edib.

Sonda hər iki mövzu üzrə müzakirələr aparılıb, suallar cavablandırılıb.