Təhsil Nazirliyinin De-İnstitutlaşma və uşaqların müdafiəsi idarəsinin müraciətinə əsasən internat və internat tipli təhsil müəssisələrinin 50-dən çox direktoru üçün “COVID-19 xəstəliyi əleyhinə vaksinasiya ilə bağlı maarifləndirmə” mövzusunda onlayn vebinar keçirilib.

 

Aztibb.az xəbər verir ki, tədbirdə çıxış edən TƏBİB-in Xəstəliklərin kontolu və profilaktikası departamentinin rəhbəri Yaqut Qarayeva Azərbaycanda və dünyada COVID-19 əleyhinə vaksinasiya prosesinin gedişatı barədə məlumat verib. O, təhlükəli pandemiyadan xilas olmaq üçün vaksinasiyanın yegənə yol olduğunu bildirib.

 

Daha sonra TƏBİB-in Elmi Komitəsinin sədri, professor Akif Qurbanov COVID-19 infeksiyasının etiologiyası, patogenezi və kliniki təzahürləri, eyni zamanda koronavirus əleyhinə vaksinlər haqqında danışıb.

 

Sonda TƏBİB rəsmiləri tərəfindən vebinar iştirakçılarını maraqlandıran mövzular ətrafında suallar cavablandırılıb, vaksinasiya prosesinin sürətlə davam etməsində təhsil işçilərinin rolu bir daha vurğulanıb.