Mərkəzi Klinikada uşaq cərrahı Fuad Hüseynov tərəfindən yumurtalığını itirmək təhlükəsi ilə üzləşən yenidoğulmuş körpə əməliyyat edilib.

Aztibb.az xəbər verir ki, körpə anasının bətnində olduğu zaman onun yumurtalığında nəhəng ölçülü şiş olduğu aşkarlanıb. 8 aylıq, 2000 qr çəki ilə dünyaya gələn  körpənin doğulduğu gün qusma və narahatlıqları başlayıb. Nəhəng ölçülü, təqribən 10-11 sm kistaya bağlı yumurtalığın burulması, yəni itirilmə təhlükəsi olduğu üçün körpə təcili əməliyyata alınıb.

Cərrahi əməliyyat zamanı kistanın daxilindən təqribən 160-170 ml maye boşaldılıb. Körpənin yumurtalığı qorunaraq kista çıxarılıb.

Körpə sağlam vəziyyətdə evinə yola salınıb.