Avropa İttifaqının maliyyə dəstəyi ilə Ümumdünya Səhiyyə Təşkilatının (ÜST) Azərbaycandakı nümayəndəliyi tərəfindən həyata keçirilən Sağlamlıq üçün Həmrəylik Təşəbbüsü layihəsi çərçivəsində “COVID-19 xəstələrinin klinik idarəolunması” mövzusunda növbəti vebinar keçirilib.

 

Aztibb.az xəbər verir ki, tədbirdə ÜST-ün ölkəmizdəki nümayəndəliyinin mütəxəssisi Tural Qulu, Davamlı Tibbi Təhsil və Tibbi Təlimlər şöbəsinin müdiri, t.e.d. Emil İskəndərov, ÜST-ün Səhiyyədə Fövqəladə Hallar Proqramının yoluxucu xəstəliklər üzrə mütəxəssisi Oqtay Gözəlov, TƏBİB-in məsul şəxsləri, eləcə də Bakı şəhəri və müxtəlif rayonlarda TƏBİB-in tabeliyində olan tibb müəssisələrindən 200-ə yaxın tibb işçisi iştirak edib.

 

Əvvəlcə ÜST-ün nümayəndəsi Tural Qulu və TƏBİB-in şöbəsinin müdiri Emil İskəndərov çıxış edərək layihənin mahiyyəti və qarşıda duran perspektivlər barədə danışıblar.

 

Daha sonra ÜST-ün Səhiyyədə Fövqəladə Hallar Proqramının yoluxucu xəstəliklər üzrə mütəxəssisi Oqtay Gözəlov uşaqlarda COVID-19 xəstəliyin gedişatı, yanaşı infeksiyalarının müalicəsi, ağırlaşmalarının profilkatikası barədə ətraflı məlumat verib.

 

Sonda tibb işçiləri tərəfindən ünvanlanmış çoxsaylı suallar cavablandırılıb.