23-24 aprel 2021-ci il tarixlərdə Azərbaycan Tibb Universitetinin yaradılmasının 90, Azərbaycanda ali əczaçılıq təhsilinin 80 illik yubileylərinə həsr edilmiş “Əczaçılığın müasir problemləri” mövzusunda V Beynəlxalq Elmi Konqresi keçiriləcək.

 

Azərbaycan Əczaçılar Assosiasiyasının təşkilatçılığı ilə onlayn formada keçiriləcək konqresdə əczaçılıq elminin bütün sahələri, eləcə də yeni dərman vasitələrinin yaradılması istiqamətində həmmərz elmlər sahəsində aparılan elmi-tədqiqat işlərinin, praktiki əczaçılığın maraq dairəsində olan problemli məsələlərin müzakirəsi planlaşdırılır.

Tədbir əczaçılıqla bağlı dövlət siyasətini həyata keçirən qurumlar, özəl sektorun nümayəndələri, tədqiqatçılar, tədrislə məşğul olan professor-müəllim heyəti və tələbələr arasında əlaqə yaradaraq müvafiq sahədə müasir problemlərin həllini nəzərdə tutur.

 

Konqres haqqında daha ətraflı məlumatları rəsmi https://mppbic.com saytından əldə etmək mümkündür.