Aztibb.az xəbər verir ki, Mərkəzi Gömrük Hospitalının Uşaq cərrahiyyəsi şöbəsinin uzman uşaq cərrahı Vüsal Cəfərov 15-17 aprel 2021-ci il tarixlərində K.Fərəcova adına Elmi-Tədqiqat Pediatriya İnstitutunda onlayn keçirilən “Uşaq cərrahiyəsində yeniliklər” elmi-praktiki konfransında “Appendisit perforasiyasının müalicəsində antibiotik seçimi” mövzusunda çıxış edib.

 

Vüsal Cəfərov konfransda çıxışı zamanı uşaqlarda laparoskopik perforasiya olunmuş appendisit əməliyyatları üzrə təcrübəsindən danışıb. O, Mərkəzi Gömrük Hospitalında perforasiya olunmuş appendisitlərin daha çox açıq yolla əməliyyat olunmasından, uşaqlarda laparoskopik perforasiya olunmuş appendisit əməliyyatlarının müvəffəqiyyətlə həyata keçirilməsindən danışmış, əməliyyatların nəticələrini araşdırıb təqdim etmişdir.

 

Elmi-praktiki konfrans 15-16-17 aprel 2021-ci il tarixlərində yerli və xarici mütəxəssislərin iştirakı ilə keçirilir. Konfransın təşkilində məqsəd pediatrlar, cərrahlar və gənc tədqiqatçıları bir araya gətirmək, onların abdominal cərrahiyyə, uşaq urologiyası, yanıq və döş qəfəsi cərrahiyyəsi mövzularında əldə etdikləri elmi yenilikləri dinləmək və fikir mübadiləsi aparmaqdır.

 

Qeyd edək ki, elmi-praktiki konfrans TƏBİB, K.Fərəcova adına Elmi-Tədqiqat Pediatriya İnstitutu, META və Beynəlxalq Təlim və Layihə Mərkəzi tərəfindən təşkil olunub.