Məişət zorakılığına məruz qalmış şəxslərə tibbi yardım göstərilməsi ilə bağlı SEMİNAR keçirildi
05.04.2021 12:20
Səhiyyə Nazirliyi İctimai Səhiyyə və İslahatlar Mərkəzinin (İSİM) təşkilatçılığı ilə 3-4 aprel 2021-ci il tarixdə məişət zorakılığı ilə mübarizəyə dair onlayn seminar keçirildi.
 
Azərbaycan və Türkiyə mütəxəssislərinin iştirak etdiyi seminarın məqsədi məişət zorakılığının qarşısını almaq, onun qurbanlarını erkən aşkar etmək, zorakılığa məruz qalmış şəxslərə yardım göstərilməsi işini təkmilləşdirilmək, tibb işçilərinin bu istiqamətdə bilik və bacarıqlarını artırmaq idi.
 
İSİM-in Səhiyyə kommunikasiyası şöbəsinin psixoloqu Aysel Musayevanın moderatorluğu ilə baş tutan seminarda professor Zehra Arıkan (Qazi Universitetinin Tibb fakültəsi, Psixiatriya bölümü) “Zorakılıq və məişət zorakılığı nədir?” mövzusunda geniş təqdimatla çıxış etdi. Qazi Universiteti Tibb fakültəsinin Ruh sağlığı və xəstəlikləri bölümünün həkimi Hakan Aksu zorakılığın bioloji, psixososial, psixoiqtisadi, psixoloji və digər səbəblərindən söz açdı.
 
Qazi Universiteti Tibb fakültəsi xəstəxanasında Ruh sağlığı və xəstəlikləri bölümünün həkimi Melike Küçükkarapınar zorakılığın növləri barədə ətraflı məlumat verdi.
 
Səhiyyə Nazirliyi Psixi Sağlamlıq Mərkəzi, Təcili psixoloji yardım şöbəsinin həkimi Aydan İsmayılova iştirakçıların diqqətini məişət zorakılığı və şəxsiyyət pozuntularına, həkim-psixiatr Zeynep Kotan isə məişət zorakılığının yaratdığı problemlərə yönəltdi. “Genezis” Psixologiya Mərkəzinin direktoru, psixoloq Günel Aslanova COVID-19 pandemiyası dövründə məişət zorakılığı, “Nəfəs” Psixi Sağlamlıq Akademiyasının həkim-psixiatrı Əziz Mustafayev “Azərbaycanda məişət zorakılığı: reallıq və qanunlar” mövzusunda ətraflı məlumat verdilər.
 
Terapevt, pediatr, ailə həkimi, psixiatr və psixoloqların da iştirak etdiyi seminarda mövzu üzrə geniş fikir mübadiləsi aparıldı, suallar cavablandırıldı.
 
Qeyd edək ki, seminar Azərbaycan Respublikası Səhiyyə Nazirliyinin Elmi Tibbi Şurası tərəfindən akkreditasiya olunmuş və həkimlərin iştirakı 10 DTT kredit balı ilə qiymətləndirilmişdi.
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb