Avstraliyanın Viktoriya Universitetinin alimlər qrupunun tədqiqatına görə, əllərin gigiyenası həqiqətən də virusa yoluxmadan müdafiə edir, lakin həyatımızdakı mikrobların sayını azaltmır.

Aztibb.az medportal.ru-ya istinadla xəbər verir ki, tədqiqat müəllifləri bildirir ki, əlavə gigiyena tədbirlərinin immun sistemini zəiflədə və orqanizmi bakteriya və ya viruslara yoluxmağa qarşı daha həssas edə biləcəyinə dair heç bir sübut yoxdur: “Mikroblar bizi hər yerdə əhatə edir – onlar havada, qida məhsullarında, bitkilərdə, heyvanlarda, torpaqda və suda mövcuddur. COVID-19-un profilaktikası üçün məsləhət görülmüş gigiyenik tədbirlər yoluxma riskini azaltmağa kömək edir, lakin o, həyatımızdakı bütün mikrobları aradan qaldırmayacaq”, – deyə alimlər tədqiqat işində qeyd ediblər.

Mütəxəssislər vurğulayıblar ki, əllərin tez-tez yuyulması, xüsusilə dezinfeksiyaedici vasitələrdən istifadə, dərinin təbii qoruyucu baryerini məhv edə bilər, bu isə dəri infeksiyalarının artmasına gətirib çıxarır. Bunun öhdəsindən nəmləndirici vasitələrin köməyi ilə gəlmək olar.