Türkiyə Respublikası Səhiyyə nazirinin müavini Əminə Alp Meşə “İnfeksiyaya nəzarətlə bağlı” tibbi işçiləri üçün təlim məşğələlərinin açılış mərasimində iştirak edib.

Aztibb.az xəbər verir ki, təlimlər çərçivəsində o, azərbaycanlı nümayəndələrlə videoformatda görüş keçirib.

Qeyd edək ki, 28 mart tarixinədək davam edəcək təlimlər Türkiyə Respublikası Səhiyyə Nazirliyi və Ümumdünya Səhiyyə Təşkilatının birgə təşkilatçılığı ilə İzmir şəhərində keçirilir.

Təlimlərdə COVID-19 epidemiyasına nəzarət edilməsi, müşahidə, təmas, infeksion nəzarət, qoruyucu vasitələr, yanaşı gedən İİV/QİÇS infeksiyası barədə epidemiologiya dair müzakirələrin aparılması, eləcə də İİV/QİÇS sahəsində çalışan mütəxəssislərin bilik və bacarıqlarının artırılması nəzərdə tutulub.

Tədbirdə ölkəmizi “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) məsul əməkdaşları Xanım Məlikova, Sevinc Həsənzadə, Ramin Burcəliyev və Sevinc Süleymanovayla yanaşı, ümumilikdə 22 nəfər təmsil edir.