Bu gün Milli Hematologiya və Transfuziologiya Mərkəzinin təşkilatçılığı, professor Azər Kərimovun moderatorluğu ilə vebinar keçirilib.
Tədbir “Zoom” platforması üzərindən onlayn formatda təşkil olunub.
Vebinarda həkim-laborant Günay Əliyevanın "Hemoqlobinopatiyaların biokimyəvi və molekulyar-genetik diaqnostikasında müasir beynəlxalq protokollar" mövzusunda məruzəsi dinlənilib.
Məruzəçinin hərbiyə yollanacaq və ya hərbidə təhsil alan şəxslərin talessemiya daşıyıcısı olub-olmamasının müəyyən edilməsi üçün skrininq olunduqları fikri müzakirəyə səbəb olub.
Qeyd olunub ki, 5603 kodu qoyulan, yəni talessemiya daşıyıcısı olduğu müəyyən edilən şəxslər hərbidən azad olunur. Onlar hərbiyə yararsız hesab olunaraq hərbi təhsildən uzaqlaşdırılır, tibbi təhsilə yönləndirilirlər.
Sonda mövzu ilə bağlı geniş fikir mübadiləsi aparılıb, çoxsaylı suallar cavablandırılıb.