Tibbi Ərazi Bölmələrini İdarəetmə Birliyinin (TƏBİB) məsul şəxsləri ilə Beynəlxalq Qızıl Xaç Komitəsinin (BQXK) "Əqli Sağlamlıq və Psixo-Sosial Dəstək" komandası (Mental Health and Psycho-social Support team) arasında tanışlıq görüşü keçirilib.

 

Görüşdə TƏBİB-in Tibbi xidmətlər departamentinin rəhbəri Firəngiz Əliyeva, Beynəlxalq əməkdaşlıq və protokol şöbəsinin müdiri Ramin Ağayev, Stasionar tibbi xidmətin təşkili şöbəsinin müdiri Kəmalə Ağayeva, Ailə həkimliyinin təşkili şöbəsinin baş mütəxəssisi Nərmin Osmanlı, Beynəlxalq əməkdaşlıq və protokol şöbəsinin mütəxəssisi Nigar İzmayılova, Beynəlxalq əməkdaşlıq və protokol şöbəsinin protokol üzrə mütəxəssisi Lalə Əliyeva, BQXK Azərbaycan nümayəndəliyinin səhiyyə üzrə koordinatoru Nasrullah Dar, BQXK-nın "Əqli Sağlamlıq və Psixo-Sosial Dəstək" üzrə nümayəndəsi Coanna Tiesen və Sağlamlıq departamentinin əməkdaşı Sunay Mustafayeva iştirak edib.

 

Çıxışlar zamanı BQXK-nın nümayəndə heyətinə TƏBİB tərəfindən "Əqli Sağlamlıq və Psixo-Sosial Dəstək" layihəsi çərçivəsində COVID-19 pandemiyası zamanı virusa yoluxmuş xəstələrə və tibb işçilərinə, eləcə də Vətən Müharibəsi dövründə müharibə iştirakçılarına və terrorun fəsadlarından zərər görmüş mülki əhaliyə tibbi-psixoloji dəstəyin təşkil edilməsi sahəsində görülən işlər haqqında məlumat verilib. Eyni zamanda görüşdə tərəflər arasında sözügedən layihənin perspektivləri müzakirə edilib, bu sahə üzrə əməkdaşlığın mümkün istiqamətləri ətrafında fikir mübadiləsi aparılıb.