Koronavirus xəstələrinin evdə müalicəsi üsulu
10.07.2020 23:02

Xəstəxanalarda aktiv xəstələrin sayı artdıqca, evdə müalicə alanların da sayı artır.

 

Səhiyyə Nazirliyi tərəfindən yaradılmış İşçi qrupun üzvü Səbinə Babazadə COVID-19 virusuna yoluxmuş şəxslərin evdə müalicə alma prosesi barədə açıqlamasında bildirib ki, vətəndaş özündə narahatlıq, virusa xas əlamətlər hiss etdikdə sahə poliklinikasına müraciət etməlidir.

 

Testin nəticəsi məlum olduqdan sonra xəstənin evdə və ya xəstəxanada müalicə olunmasına sahə həkimi qərar verir. Evdə müalicə isə yalnız həkim nəzarəti altında aparılır.

 

Onun sözlərinə görə, tibb işçisi evdə manipulyasiya etməməlidir. Bu, infeksion nəzarət qaydalarına ziddir. Belə bir müalicə xəstəxanada aparılır və həkim nəzarəti vacibdir. 

 

Xəstəliyi simptomsuz və ya yüngül simptomlarla keçirən vətəndaşlar evdə müalicə almaq üçün dövlət tərəfindən dərman preparatları ilə təmin olunurlar. Həmin dərmanlara vitamin C, vitamin D3, maqnezium, sink, selen və parasetamol kimi preparatlar daxildir.

 

Adıçəkilən preparatların qəbulu müalicə və xəstəliyin gedişatı ərzində yaranma ehtimalı olan fəsadların qarşısını almaq məqsədilə təyin olunur. Sahə həkimləri COVID-19-a yoluxmuş, evdə müalicə alan xəstələrin vəziyyətini 14 gün ərzində gündəlik olaraq müşahidə edirlər.

 

Xəstəliyin gedişatında ağır simptomlar aşkar edilərsə və yoluxmuş şəxsin ümumi vəziyyətində kəskinləşmə müşahidə olunarsa, həmin xəstənin stasionar şəraitdə müalicəni davam etmək zərurəti sahə həkimi tərəfindən müəyyən edilir.

 

Eyni zamanda, xəstənin vəziyyətində şiddətli kəskinləşmə baş verərsə, həmin şəxs və onun yaxınları təcili tibbi yardıma 103 qısa nömrə vasitəsilə müraciət etməlidirlər.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Sürətli döyüntünün tək səbəbi ürək deyil!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb