Azərbaycan Tibb Universitetinin I Cərrahi xəstəliklər kafedrasının əməkdaşı, Bariatrik Metabolik Cərrahlar Assosiasiyasının sədri Taryel Ömərov Pekində bariatrik cərrahiyyə ilə bağlı keçirilən onlayn beynəlxalq konfransda iştirak edib.

 

Aztibb.az xəbər verir ki, tanınmış cərrah “Young IFSO Journal Club”un ikinci toplantısında “Bariatrik-metabolik cərrahiyyənin dünəni, bu günü və gələcəyi” mövzusunda məruzə ilə çıxış edib. O, bu sahədə öz təcrübəsini bölüşüb.

 

Bariatrik və Metabolik İnstitutu (BYBMI), Çinin Bariatrik Metabolik Cərrahiyyə Məsələləri təşkilatı (COMES Collaborative) və Türkiyə Bariatrik Cərrahiyyəsi Dərnəyi tərəfindən (TOSS) təşkil olunan beynəlxalq tədbirdə bariatrik-metabolik cərrahiyyədə tədqiqat imkanları, patoloji piylənməsi olan insanlar üçün müalicə metodları və s. mövzularda müzakirələr aparılıb.

 

Taryel Ömərov, həmçinin Dünya Piylənmə ilə Mübarizə Günü çərçivəsində Bakıda təşkil olunan "EASO-OMFT (Obesity Management Task Force) tədbirində “Piylənmənin cərrahiyyə ilə yolu” mövzusunda məruzə edib.

 

Beynəlxalq konfransda bariatrik cərrahiyyə sahəsindəki yeniliklərdən söz açılıb.