“Tibbi Ərazi Bölmələrini İdarəetmə Birliyi” publik hüquqi şəxs (TƏBİB), Türkiyə Uşaq Sinə Xəstəlikləri Dərnəyi və “Kistik Fibroz Xəstələrinə Yardım” İctimai Birliyinin birgə təşkilatçılığı ilə “Kistik fibroz xəstəliyinin müalicəsində erkən diaqnostikanın və fizioterapiyanın rolu” mövzusunda vebinar keçirilib.

 

Tədbirdə çıxış edən TƏBİB-in Elmi-tədqiqat və təhsil departamentinin Davamlı tibbi təhsil və tibbi təlimlər şöbəsinin müdiri, t.e.d. Emil İskəndərov Kistik fibroz xəstəliyinə həsr olunan vebinarların, maarifləndirmə tədbirlərinin keçirilməsinin əhəmiyyətini qeyd edib.

 

Vebinarda professor Bülent Karadağ və digər türkiyəli mütəxəssislər Kistik fibrozun uşaqlarda kliniki gedişi, erkən aşkarlanması, müalicəsi və fizioterapiya – reabilitasiya üsullarının effektivliyinə dair məruzələr ediblər.