Nyu-Yorkdakı Kolumbiya Universitetinin alimləri faktiki olaraq məlumatların saxlanılması və yazılması üçün canlı orqanizm hüceyrələrini miniatür qurğulara çevirməklə, istənilən rəqəmsal daşıyıcıdan məlumatları DNT-yə köçürən yeni texnologiya hazırlayıblar.

Aztibb.az xarici KİV-ə istinadən bildirir ki, yeni texnologiyanın bir sıra istifadə imkanları var. DNT-nin yığılma texnologiyasının özü yeni deyil. Genetik kodu təşkil edən azotlu əsaslar cəmi dörddür. Laboratoriya şəraitində onları zəncir şəklində muncuq kimi ardıcıllıqla təsadüfi qaydada yığmaq olur. Bu daha çox "genetik qayçı" kimi tanınan "CRISPR-Cas9" texnologiyasının köməkliyi ilə edilir. Bu üsul səkkiz il əvvəl hazırlanmış və keçən il kimya üzrə Nobel mükafatına layiq görülmüşdür, lakin genetik kodun molekulyar səviyyədə yığılması çox əziyyətlidir, burada çox vaxt və xüsusi avadanlıq tələb olunur.

Qeyd edək ki, alim və mütəxəssislərin bu istiqamətdə tədqiqat və kəşfləri hələ davam edir.