Oftalmoloq-cərrah Fidan Ağayeva Türk Cümhuriyəti Oftalmoloji Dərnəyinin tədbirində məruzə edib
22.02.2021 09:13
Türkiyəli professorlar Öner Gelişkən və Suleyman Kaynağın rəhbərliyi ilə Türk Cümhuriyəti Oftalmoloji Dərnəyinin vebinar görüşü keçirilib.
 
Bu barədə Aztibb.az-a Akademik Zərifə Əliyeva adına Milli Oftalmologiya Mərkəzindən bildirilib.
 
Görüşdə Türkiyə, Rusiya, Qazaxıstan, Özbəkistan, Qırğızıstan və Azərbaycandan olan peşəkar mütəxəssislər iştirak ediblər.
 
Vebinarda Akad. Zərifə Əliyeva adına Milli Oftalmologiya Mərkəzinin Qlaukoma şöbəsinin müdiri, oftalmoloq-cərrah, t.ü.f.d. Fidan Ağayeva “Keratit: diaqnoz və idarəetmə” mövzusunda məruzə ilə çıxış edib.
 
Onlayn tədbirdə oftalmologiya sahəsində əldə olunan son nailiyyətlər, eləcə də yeni müayinə və müalicə metodlarına dair müzakirələr aparılıb, sual və təkliflər səsləndirilib.