AR Səhiyə Nazirliyi rezidentlərin yekun attestasiyasına dair şərtləri açıqlayıb.
Aztibb.az xəbər verir ki, rezidentlərin yekun attestasiyasının test mərhələsində rezident 3 saat ərzində 50 test sualına cavab verməlidir. 50 test tapşırığından 40 standart test olmaqla hər bir test tapşırığı 1(bir) balla qiymətləndiriləcək. Səhv cavablar və ya sualın cavabsız qoyulması sıfır bala bərabər tutulacaq. 2019-2020-ci tədris ilindən etibarən rezidentlərin yekun attestasiya qiymətləndirilməsində tətbiq olunan hər bir test tapşırığı 2 balla qiymətləndirilən 5 açıq tipli testlərdən istifadə olunacaq. Testin yekununa görə 40 və ya daha çox bal toplayan rezidentlər yekun attestasiyanın ikinci mərhələsinə buraxılırlar.
Yekun attestasiyanın istənilən mərhələsində iştirak etmək üçün rezidentlər mütləq şəxsiyyət vəsiqələrini təqdim etməlidirlər.
Yekun Attestasiyanın test mərhələsi ixtisaslar üzrə aşağıda göstərilən tarix və saatlarda Azərbaycan Tibb Universitetinin (ATU) İmtahan Mərkəzində keçiriləcək. İmtahan Mərkəzi Azərbaycan Tibb Universitetinin 5-ci korpusunda yerləşir.
Saat 10:00-13:00
I zal
| Anesteziologiya-reanimatologiya |
| Ümumi cərrahiyyə |
| Oftalmologiya |
| Mamalıq-ginekologiya |
| Psixiatriya |
| Kardiologiya |
| Şüa-diaqnostikası |
| Narkologiya |
| Yoluxucu xəstəliklər |
| Allerqologiya və immunologiya |
| Uşaq cərrahiyyəsi |
| Travmatologiya-ortopediya |
II zal
| Laboratoriya işi |
| Mikrobiologiya |
| Patoloji anatomiya |
| Stomatologiya |
| Ürək-damar cərrahiyyəsi |
| Qastroenterologiya |
| Endokrinologiya |
| Dermatovenerologiya |
| Onkologiya |
| Hematologiya |
| Nevrologiya |
| Daxili xəstəliklər |
| Ftiziatriya |
| Pediatriya |
| Neyrocərrahiyə |
Qeyd: Praktik məşğələlər üzrə ixtisas imtahanının tarixləri növbəti elanda göstəriləcək. Həkim-rezidentlərin şifrələri ilə əlaqədar hər-hansı problem yaranarsa ATU-nun rezidentura və magistratura şöbəsinin 012 597 44 83 telefon nömrəsi ilə əlaqə saxlaya bilərlər. Şəxsiyyət vəsiqəsi olmayan rezidentlər imtahana buraxılmayacaq.
