“Bu vaksin mutasiyaya uğramış virusa qarşı daha effektivdir. Artıq digər Qərb ölkələri də bu inaktiv vaksinə doğru meyilləniblər. Qısası, bu bizim üçün üstünlükdür. Çünki cəmiyyətimizi inaktiv vaksin ilə peyvəndləyirik”.

Bunu Türkiyənin Səhiyyə Nazirliyi yanında Şuranın üzvü, Çukurova Universiteti Tibb fakültəsinin Balcalı Xəstəxanasının baş həkimi, professor Hasan Murat Gündüz müsahibəsində deyib.

“Kütləvi peyvəndlənmə ilə yaz aylarının sonuna doğru vəziyyətin yaxşılaşacağı güman edilir. Yaz fəslinə daha sağlam girəcəyimizə ümid edirəm. Koronavirusun qarşısını yalnız bu şəkildə ala bilərik”, - deyə alim bildirib.