Azərbaycan Tibb Universitetinin (ATU)  I Müalicə-profilaktika fakültəsinin Tələbə Elmi Cəmiyyətinin təşkilatçılığı ilə növbəti "Klinika - təməl fənlərdə" adlı vebinar keçirilib.

 

Tibbi genetikaya həsr olunmuş tədbirə 180-ə yaxın tələbə qoşulub.

 

Vebinarda çıxış edən I Müalicə-profilaktika fakültəsinin Tələbə Elmi Cəmiyyətinin rəhbəri, t.ü.f.d., dos. Rəna Rzayeva tibbi biologiya və genetikanın müasir dövr üçün əhəmiyyətindən danışıb.

 

Daha sonra ATU-nun I Uşaq Xəstəlikləri kafedrasının dosenti, t.e.d. Səbinə Qarayeva, Tibbi biologiya və genetika kafedrasının əməkdaşları - b.e.n., dos. Leyla Süleymanova, b.e.n., dos. Əflatun Əzizov, baş müəllim, b.ü.f.d. Ramin Həşimov tibbi genetikaya aid müxtəlif mövzularda situasiya tipli məsələlərin genetik və klinik izahını verib, həmçinin bu məsələlərin diaqnostikası, müalicəsi və s. barədə məlumatları diqqətə çatdırıblar.