13 ildir ki, övlad həsrəti ilə alışıb-yanan Qurbanovlar ailəsinin dördüncü süni mayalanma nəticəsi uğurlu olduqdan sonra 2021-ci ilin yanvar ayının 19-da əkiz qız övladları dünyaya gəlib.

Lakin körpələr 7 aylıq doğulduğundan hazırda hər ikisi Mərkəzi Klinikada küvezdə saxlanılır. Körpələrdən birinin beyninə qan sızıb, ciyərləri əzilib. Digər körpədə isə ciyərində iltihablaşma, ürəyində dəlik aşkar olunub, həmçinin qanazlığı səbəbindən ona qan köçürülüb. Hazırda süni tənəffüs aparatına bağlıdır.

Körpələrin anası Samirə Qurbanovanın bildirdiyinə görə, yoldaşı tikintidə işləyir. Kirayədə yaşayan ailə yaxınlarının dəstəyi ilə indiyədək hər gün üçün klinikaya 1000-1500 manat arası ödəniş ediblər. Lakin uşaqların müalicəsinin davam etdirilməsi üçün maddi sıxıntılar yaşayırlar.

Uşaqların vəziyyəti ağır olduğundan digər xəstəxanalara köçürülmələri mümkün deyil.

13 ildən sonra körpə sevinci yaşamış ailənin tək arzusu övladlarını sağ-salamat qucaqlarına almaqdır. Körpələrin həyatda qalması üçün maddi dəstəyə ehtiyac var.

Kart məlumatları fotolarda təqdim olunub.