Zədələnmiş sümükləri bərpa edəcək canlı hüceyrəli yeni gel yaradıldı - KƏŞF
30.01.2021 23:37

Əgər hansısa xəstəlik və ya zədələnmə nəticəsində insan sümüyünün bir hissəsini itirirsə, o, həmin insanın digər sümüyündən götürülmüş sümük toxuması ilə əvəz edilir. Canlı hüceyrələrə sahib yaradılmş yeni geli isə gələcəkdə sümüyün zədələnmiş yerinə yeritmək mümkün olacaq və bunun sayəsində həmin gel bərkiyərək funksional sümük yaradacaq.

 

Aztibb.az "New Atlas" saytına istinadən xəbər verir ki, avstraliyalı alimlər tərəfindən təklif edilmiş bu yeni üsul sürətli təsiri və təhlükəsizliyi ilə seçilir.

 

Məlumatda qeyd edilib ki, tədqiqatçılar zədələnmiş sümüklərin bərpası üçün müxtəlif təcrübi materiallar hazırlayırlar. Həmin materiallar strukturlu karkas rolunu oynayırlar və müəyyən müddət sonra sümük toxumasının hüceyrələrini bərpa edirlər. Daha tez təsirə sahib yeni üsulu tapmaq niyyətində olan avstraliyalı alimlər kalsium fosfatları əsasında yeni növ gel yaradıblar. Yaradılmış gelin tərkibində isə pasientdən götürülmüş canlı hüceyrələr mövcuddur. 

 

Hüceyrə suspenziyasında çox istiqamətli keramik bioçap üsulu vasitəsilə bu gel sümüyün birbaşa zədələnmiş hissəsinə yeridilir. Bir neçə dəqiqədən sonra isə orqanizmdə olan mayelərin təsiri nəticəsində gel bərkiyərək sümüyə bənzər materiala çevrilir. Daha sonra bərkimiş materialın hüceyrələri bir-birilərini istehsal edərək sonda materialı canlı sümük toxumaları ilə təmin edirlər.

 

Alternativ materiallardan fərqli olaraq avstraliyalı alimlər tərəfindən təklif olunan bu üsul daha tez təsir göstərir və təhlükəsizdir. Bu texnologiya müasir praktikanı tamamilə dəyişmək, pasientlərin işlərini yüngülləşdirmək və nəticədə həyatları xilas etmək potensialına sahibdir.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!