İsraildə İsak Rabin adına Tibb Mərkəzinin cərrahları və "CorNeat" şirkətinin mütəxəssisləri korluq diaqnozu qoyulmuş 78 yaşlı bir xəstənin görmə qabiliyyətini bərpa ediblər.

Aztibb.az xəbər verir ki, əməliyyat donor toxuması tələb etməyən sintetik "Kornea KPro" implantından istifadə etməklə həyata keçirilib.

Əməliyyat olunan xəstənin ertəsi gün görməyə başladığı və tez bir zamanda əsas oftalmoloji testlərdən keçdiyi bildirilib.

Alimlər bu əməliyyatın oftalmologiya tarixində yeni bir mərhələnin başlanğıcını qoyduğunu qeyd edirlər. Belə ki, bugünədək analoji əməliyyatların keçirilməsi üçün donor toxumalarına ehtiyac var idi. Süni buynuz qişanın uğurla tətbiq olunması isə bu ehtiyacı aradan qaldırır.