Reanimotoloqlar üçün psixoloji tükənmə, stres və təkrar travma sindromları mövzusunda - SEMİNAR
09.01.2021 13:15

Mərkəzi Gömrük Hospitalında reanimasiya və intensiv terapiya şöbəsinin həkim və orta tibb işçiləri üçün “Burn-out: psixoloji tükənmə və onun həkimlərə təsiri” mövzusunda seminar keçirilib.

 

Aztibb.az xəbər verir ki, ABŞ-dan dəvət olunmuş klinik psixoloq Şirin Kazımovun apardığı seminarda yeni növ koronavirus (COVID-19) infeksiyasına yoluxmuş ağır xəstələrin müalicəsi sahəsində reanimotoloqların görməli olduğu tibbi tədbirlər, psixoloji tükənmə, gücdəndüşmə, həmçinin stres və təkrar travma sindromlarının aradan qaldırılması və onlarla mübarizə üsulları, həkimlərin özünə qayğısı və psixoloji travmalardan qorunması barədə ətraflı məlumat verilib.

 

Seminarda iştirakçıları maraqlandıran suallar cavablandırılıb.

 

Hospitalda həkim və orta tibb işçiləri üçün seminarlar yanvarın axırınadək davam edəcək.