Azərbaycan Tibb Universitetinin (ATU) İctimai səhiyyə fakültəsinin rəhbərliyi fakültə sərəncamında olan kafedralarla onlayn görüşlər keçirib.

Fakültənin dekanı, professor Anar Ağayev görüşün əsas məqsədinin 2020-2021-ci tədris ilinin qış imtahan sessiyasına hazırlığın vəziyyətinin müzakirəsi olduğunu bildirib. O, həmçinin Dövlət İmtahan Mərkəzinə testlərin göndərilib-göndərilməməsi, imtahan suallarını hazırlayan ekspertlərlə təkrar söhbətlərin aparılması, bundan əvvəlki dövrdəki imtahanda hansısa kafedradan apelyasiyaya müraciət olunduğu halda təsdiqlənən suallar barədə danışıb.

Bundan başqa, görüşdə dərslərdə tələbələrin aktiv iştirakı, fakültə üzrə onlayn dərslərin aparılmasının keyfiyyətinin yüksəldilməsi kimi məsələlər müzakirə olunub.