Gəncə Şəhər Baş Polis İdarəsinin və onun tabeli orqanlarının əməkdaşları Nazirlər Kabineti yanında Operativ Qərargah tərəfindən müəyyənləşdirilən xüsusi karantin rejimi qaydalarına təmin riayət olunması istiqamətində tədbirləri davam etdirirlər.

İdarənin cinayət axtarış idarəsi və post-patrul xidməti əməkdaşlarının birgə keçirdikləri tədbirlər nəticəsində şəhərin Kəpəz rayon ərazisində gizli şəkildə fəaliyyət göstərən kafe aşkarlayıb. Obyektin sahibi Elmar Tanrıverdiyevlə bərabər 12 müştəri də qanunla müəyyən edilmiş qaydada saxlanılaraq ərazi üzrə Kəpəz Rayon Polis İdarəsinə gətirilərək barələrində qanuna müvafiq tədbir görülüb.

Kafenin müştərisi Ələkbər Hüseynovun üzərinə baxış keçirilib və əl çantasından 3,66 qram tiryək aşkarlanaraq götürülüb.

Faktla bağlı araşdırmalar davam etdirilir.