Temperaturu tam normaya salmaq lazım deyil. Qızdırma olarsa, Paracetamol, yaxud İbuprofendən istifadə etmək olar. Aztibb.az xəbər verir ki, bunu həkim-reanimatoloq Şahin Məmmədov deyib.

COVID-19 xəstələrinin müalicəsindən danışan həkim bildirib ki, sistemlərin içinə vitamin qatmaq lazım deyil. Həmin vitaminlərin həm sayı, həm də dozası çox azdır. Bunun əvəzinə sistemi təmiz şəkildə qoşmaq və polivitamin kompleksi içmək daha effektlidir.  

Sistemə Dimedrol, Deksametazon qatdıqda anafilaktik şokun profilaktika edilmədiyini deyən həkim, Deksametazonun xəstəliyin ilk 10 günlüyündə məsləhət görülmədiyini, onun həm bakterial infeksiya riskini artırdığını, həm də xəstənin şəkərini qaldırdığını deyib.

Əgər koronavirus şübhəsi varsa, ilk növbədə müayinə nazal yaxma şəklində olmalıdır. Test müsbət çıxdıqda dərhal favipiravir preparatına başlanarsa, müsbət nəticələr əldə etmək olar. Sonrakı günlərdə isə Favipiravir dərmanının bir o qədər mənası olmur.

İlk olaraq KT-yə getmisiz və buzlu şüşə görünübsə, test verməyə yenə ehtiyac var. Çünkü KT dəyişikliklərini adi qrip, başqa virus yaxud bakteriya zamanı da görə bilərik.