iOS əsaslı COVID-19 tətbiqləri barədə araşdırma aparan Digital Forensics Initiative şirkəti istifadəçilər üçün həyəcan təbili çalıb.

Araşdırma zamanı müxtəlif ölkələrdə istifadəyə verilən 493 tətbiq testdən keçirilib.

Bildirilib ki, əksər tətbiqlər koronavirusu uğurla təqib etsələr də, istifadəçidən ehtiyac duyulandan daha çox məlumat toplayırlar. Məsələn, onların çoxu quraşdırma zamanı kamera, mikrofon, foto və ərazi bilgilərinə daxil olmaq üçün icazə istəyir. İcazələrin heç də hamısının xoş niyyətli olmadığı aşkarlanıb.

Məlum olub ki, 493 tətbiqdən yalnız 47-i fərdi məlumatların mühafizəsini təmin edir.