Tədqiqatçılar qurudulmuş meyvə (quru meyvə) yeyən insanların yeməyənlərə nisbətən daha sağlam olduqlarını müəyyən edib.

Aztibb.az Medikforum.ru-ya istinadən xəbər verir ki, tədqiqatda 25 590 nəfər iştirak edib. İştirakçılar quru meyvələr yedikləri günlərdə qəbul etdikləri digər bütün qidaların da siyahısını təqdim ediblər. 

Bundan başqa iştirakçıların bədən kütlə indeksi, bel ölçüləri və qan təzyiqi, həmçinin pəhrizlərinin ümumi keyfiyyəti daxil olmaqla kardiometabolik sağlamlığı barədə məlumatlar toplanıb.

Verilənləri təhlil etdikdən sonra tədqiqatçılar ortalama olaraq anketdə quru meyvə istehlak etdiklərini bildirən insanların yeməyənlərə nisbətən daha sağlam pəhrizlə qidalandıqlarını aşkarlayıb.

Onların bədən kütlə indeksi, bel ətrafı ölçüsü və sistolik qan təzyiqi də aşağı olub.

Bundan əlavə, tədqiqatçılar qurudulmuş meyvə yedikləri günlərdə iştirakçıların daha çox karbohidrat, lif, kalium, doymamış yağ istehlak etdiklərini müəyyənləşdirib.

Qeyd edilib ki, qurudulmuş meyvələr qəlyanaltı kimi də əla seçim ola bilər. Porsiyanı müəyyən etmək çətindir. Suyu çıxarılmış olduğuna görə qurudulmuş meyvələr bir hissəsi təzə meyvələrin bir hissəsindən kiçikdir. Ancaq unutmayaq ki, qurudulmuş meyvələr insanlara potensial olaraq daha çox meyvə istehlak etmələrinə kömək edə bilər, çünki onlar portativdir.