Payız-qış mövsümündə mövsümi qripin yayılmasının qarşısının alınması məqsədilə Şəki Rayon Mərkəzi Xəstəxanasının Ailə Sağlamlığı Mərkəzində qripə qarşı peyvəndlənməyə başlanılıb.

 

Şəki Rayon Mərkəzi Xəstəxanasından Aztibb.az-a bildirilib ki, peyvəndlənmə xüsusilə risk qrupuna daxil olan şəxslərə — 6 aydan yuxarı uşaqlara, 65 yaşdan yuxarı şəxslərə, xroniki xəstəlikləri və immun sistemi zəif olanlara, hamilə qadınlara və tibb işçilərinə tövsiyə edilir.

 

Qripə qarşı vaksinasiya könüllüdür. Peyvənd olunmaq istəyən vətəndaşlar Ailə Sağlamlığı Mərkəzinə müraciət edə, ətraflı məlumatı isə ailə həkimlərindən ala bilərlər.